Óskemende eki jigitten 90-nan astam esirtki oramasy tárkilendi
ÓSKEMEN. KAZINFORM – Óskemen qalasynda 18 jáne 19 jastaǵy eki jigitten asa iri kólemdegi esirtki tárkilendi.
ShQO polıtsııa departamenti baspasóz qyzmetiniń málimetine súıensek, tártip saqshylary «Qarasora-2026» respýblıkalyq jedel-aldyn alý sharasy aıasynda eki er adam ustady.
- 18 jáne 19 jastaǵy eki turǵyn aldyn ala sóz baılasyp, esirtki zattaryn ótkizý maqsatynda zańsyz saqtady degen kúdikke ilindi. Kúdiktilerdi jeke tintý kezinde tyıym salynǵan zattar salynǵan 91 orama tárkilendi, - delingen aqparatta.
Saraptama qorytyndysyna sáıkes, tárkilengen zattardyń quramynan jalpy salmaǵy 25,29 gramm mefedron, 27,21 gramm α-PVP psıhotroptyq zattary jáne jalpy salmaǵy 6,24 gramm kannabıs shaıyry anyqtaldy.
- Tárkilengen zattardyń jalpy kólemi zańnamaǵa sáıkes asa iri mólsher bolyp sanalady. Atalǵan fakt boıynsha sotqa deıingi tergeý jalǵasýda. Kúdiktilerdiń biri qolhatpen bosatyldy, ekinshisi ýaqytsha ustaý ızolıatoryna qamaldy, - delingen habarlamada.
Eske salsaq, osyǵan deıin Qostanaıda 1,5 keliden astam esirtki tasymaldaǵan kýrer ustalǵany habarlanǵan.
