Óskemende eki jigit keńse seıfin buzyp, 94 mln teńgeni urlap ketken
ÓSKEMEN. KAZINFORM – Óskemen qalasynda keńse seıfin buzyp, 94 mln teńgeni urlap ketken eki jigit ustaldy.
ShQO polıtsııa departamenti baspasóz qyzmetiniń málimetine súıensek, eki er adam qaladaǵy keńselerdiń birinen iri kólemde aqsha urlaǵan.
«Urlyq faktisi boıynsha polıtsııaǵa aryz tústi. Jábirlenýshiler belgisiz bireýlerdiń keńsedegi seıfti buzyp, 94 mıllıon teńgeni jymqyrǵanyn jetkizdi. Urylar qylmys ornynan ketý joldaryn aldyn ala oılastyryp alǵan», - delingen aqparatta.
Olar ózenge jetken soń úrlemeli qaıyqpen qalanyń basqa aımaǵyna júzip ótken.
Osylaısha qashyp qutylmaq bolady. Biraq oılary iske aspady.
«Polıtsııa qyzmetkerleri birneshe kúnge sozylǵan jedel izdestirý sharalarynyń nátıjesinde, 45 jáne 38 jastaǵy eki kúdiktini ustady. Er adamdar sot sanktsııasymen qamaýǵa alyndy. Olardyń turǵylyqty jerinen zattaı aıǵaqtar – qaıyq pen urlanǵan qarajat tárkilendi. Tergeý amaldary júrgizilýde», - delingen habarlamada.
