Óskemende eki kún boıy aýaǵa taraǵan zııandy zattardyń mólsheri shekti deńgeıden asty

ÓSKEMEN. KAZINFORM – Óskemen qalasynda aýa sapasyn baqylaýǵa jańa jyljymaly zerthana tartyldy.

Búgin keshke deıin oblys ortalyǵynda qolaısyz meteorologııalyq jaǵdaı saqtalady. ıAǵnı, bul ýaqytta zııandy zattar aýada taralmaı, atmosferanyń jerge jaqyn qabatynda shoǵyrlanady.

«Qazgıdromet» RMK málimetine sáıkes, 23 qańtarda aýaǵa taraǵan keı zııandy zattyń mólsheri shekti deńgeıden asyp ketkeni anyqtalǵan. Atap aıtqanda, kúkirt dıoksıdi – 2,899 esege, kúkirtsýtek – 2,575 esege artqan. 

- Al 22 qańtarda úsh zat boıynsha shekti deńgeıden asý faktisi tirkelgen bolatyn: kúkirt dıoksıdi – 4,139 ese, kúkirtsýtek – 3,325 ese, kómirtek oksıdi – 2,258 ese. Aýa sapasyn baqylaý úshin jyljymaly zerthana da tartyldy. Ólsheý jumystary sanıtarlyq-qorǵaý aımaǵynda jáne jeke turǵyn úı sektorynda negizgi lastaýshy zattar boıynsha joǵary dáldiktegi elektrohımııalyq taldaý ádisimen júrgizildi, - dep habarlady ShQO ekologııa departamentiniń baspasóz qyzmetinen.

Eske salsaq, osyǵan deıin elimizdiń qaı qalalarynda aýa sapasynyń nasharlaıtyny belgili bolǵany jaıly jazǵanbyz.