Óskemende eki adam Úlbi ózenine batyp ketti
ÓSKEMEN. KAZINFORM – Óskemen qalasynda eki jigit Úlbi ózenine batyp ketti.
23 jastaǵy eki jigit Sogra shaǵyn aýdanyndaǵy Úlbi ózenine baryp, sýǵa túsken. Ekeýi de sýǵa batyp ketti.
Bir adamnyń máıiti tabyldy. Al ekinshisiniń denesin izdeý jumystary áli jalǵasyp jatyr.
– Qutqarýshylar sýǵa batqan 2003 jylǵy er adamdy izdestirý jumystaryn júrgizýde. Іzdeýge súńgýirler men drondar jumyldyryldy, - dep habarlady ShQO Tótenshe jaǵdaılar departamentiniń baspasóz qyzmetinen.
Osy rette, qutqarýshylar óńir turǵyndary men qonaqtaryna sýdaǵy qaýipsizdik sharalaryn saqtaýǵa shaqyrdy.
Eske salsaq, osyǵan deıin Shyǵys Qazaqstan oblysyndaǵy Shalqar kólinde er adamnyń sýǵa batyp ketkeni habarlanǵan.
