Óskemende dzıýdodan bolǵan jarys kezindegi tóbeles: Polıtsııa tergeýdi bastady
ÓSKEMEN. KAZINFORM – Óskemen qalasyndaǵy Jekpe-jek saraıynda sportshylardyń jappaı eregisýine qatysty polıtsııa tergeý amaldaryn qolǵa aldy.
Oqıǵa Jekpe-jek saraıynda dzıýdodan ótken oblystyq jarys kezinde bolǵan. Áleýmettik jelige vıdeo taratqan kýágerlerdiń aıtýynsha, janjal shyqqan soń sportshylar men jattyqtyrýshylar arasynda jappaı tóbeles bolǵan.
Atalǵan fakti boıynsha Shyǵys Qazaqstan oblystyq polıtsııa departamenti resmı aqparat berdi.
- Polıtsııa oqıǵaǵa qatysy bar barlyq adamdy anyqtap, bólimshege jetkizdi. Qazirgi ýaqytta sotqa deıingi tergeý bastalǵan. Іstiń mán-jaıyn jan-jaqty jáne tolyq anyqtaý úshin tıisti sharalar júrgizilip jatyr. Tergeý múddesine baılanysty oqıǵaǵa qatysty ózge málimetter jarııa etilmeıdi, - dep habarlady vedomstvo ókilderi.
Eske salsaq, osyǵan deıin Mańǵystaýda bir-birin aıaýsyz urǵan qyzdar tóbelesiniń vıdeosy taraǵanyn habarlaǵan edik.