Óskemende demalys kúnderi órtten 2 adam qaıtys boldy
ÓSKEMEN. QazAqparat – Óskemen qalasynda ótken demalys kúnderi órtten eki adam kóz jumdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 14 tamyzda saǵat 19.41-de jeke turǵyn úıde órt shyqqan. Oqıǵa ornyna shuǵyl kelip jetken qutqarýshylar úı ishinde es-tússiz jatqan 39 jastaǵy er adamdy tapty. Apattar medıtsınasy ortalyǵynyń qyzmetkerleri reanımatsııalyq sharalar júrgizgenimen onyń ómirin saqtap qalý múmkin bolmady.
Ekinshi oqıǵa 15 tamyz kúni tańǵy saǵat 05.00-de M.Tynyshpaev kóshesinde bolǵan. Jer úıdiń 156 sharshy metr aýmaǵyn jalyn sharpyǵan.
«Órt sóndirýshiler tilsiz jaýdy aýyzdyqtaý barysynda 60 jastaǵy úı ıesiniń denesin tapty. Eki oqıǵa da órttiń shyǵýyna – otty abaısyz qoldaný sebep bolyp otyr. Jalpy jyl basynan beri oblys boıynsha 862 órt tirkelgen», - delingen habarlamada.
