Óskemende DDSU retsepti boıynsha antıseptık óndirilmek
ÓSKEMEN. QazAqparat – Óskemen qalasyndaǵy D.Serikbaev atyndaǵy ShQMTÝ Dúnıejúzilik densaýlyq saqtaý uıymynyń retsepti boıynsha antıseptıkterdi óndirgeli jatyr, dep habarlaıdy QazAqparat.
«Tehnıkalyq ýnıversıtettiń laborotorııasynda zararsyzdandyratyn quraldyń alǵashqy partııasy – 1 myń lıtri daıyndaldy. Ol qatań Dúnıejúzilik densaýlyq saqtaý uıymynyń retsepti boıynsha ázirlendi. Basty mindet – halyqty qorǵap, koronavırýstyń taralý qaýpin azaıtý», - dep habarlaıdy QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetinen.
ShQMTÝ dezınfektsııalyq zattardy JOO-nyń stýdentteri men oqytýshylaryna, sonymen qatar qajet etken halyqqa tegin taratpaq. Laborotorııa COVID-19 indetimen kúres jónindegi oblystyq shtabpen seriktese jumys júrgizedi. Resmı túrde ruqsat alǵannan keıin JOO tolyqqandy óndiristi de iske qosqaly otyr.
