Óskemende daýyldyń saldarynan 25 myńǵa jýyq adam jaryqsyz otyr
ÓSKEMEN. KAZINFORM — Óskemen qalasynda ekpini kúshti jelden 25 myńǵa jýyq adam jaryqsyz qaldy.
«Qazgıdromet» RMK málimetine qaraǵanda, qala aýmaǵynda 20,5 mm jaýyn-shashyn túsip, ekpindi jel men naızaǵaı soqty. Sonyń saldarynan elektr energııasy apatty jaǵdaıda ajyratylyp, kóshelerdi sý basty.
— Barlyq kommýnaldyq jáne jedel qyzmet kúsheıtilgen rejımde jumys istep jatyr. Jaǵdaı turaqty baqylaýda. Tabıǵat qubylysynyń saldaryn joıý jumystaryna 270 maman men 41 arnaıy tehnıka jumyldyryldy, — dep habarlady Óskemen qalasy ákimdiginen.
«ÓESK» AQ málimetinshe, qolaısyz aýa raıy saldarynan 25 myńǵa jýyq adam jaryqsyz qalǵan. Qazirgi ýaqytta olardyń basym bóligi qaıta elektrmen jabdyqtaldy. 6 myńǵa jýyq abonentti elektr jelisine qosý jumystary jalǵasyp jatyr.
— Ekpini kúshti jel saldarynan eki kópqabatty turǵyn úı jáne tór jeke úıdiń shatyry búlindi. Qalanyń negizgi kóshelerinde qulaǵan 15 aǵash kólik qozǵalysyna kedergi keltirdi. Osy sátte barlyq aǵash alynyp, jol qozǵalysy tolyq qalpyna keltirildi, — delingen aqparatta.
Eske salaıyq, osyǵan deıin Óskemende qatty jelden 5 úıdiń shatyry búlingeni habarlanǵan.
