Óskemende dámhanaǵa kelip, dinı kitaptar taratqan zeınetkerge aıyppul salyndy

Óskemen qalasynda 66 jastaǵy qarııa dámhanaǵa kelip, dinı kitaptar taratqan, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary dinı sıpattaǵy materıaldardy taratqan zeınetkerge QR ÁQBtK 490-baby 1-bóliginiń 3-tarmaǵymen ákimshilik hattama toltyrdy.

«Belgili bolǵandaı, 66 jastaǵy qala turǵyny dámhanalardyń birine kelip, dinı ádebıet taratqan. Habar túse salysymen jedel-izdestirý sharalaryn júrgizgen PD ekstremızmge qarsy is-qımyl basqarmasynyń qyzmetkerleri zeınetkerdi anyqtady. Jınalǵan materıaldar din isteri basqarmasyna jiberildi», - delingen aqparatta.

Júrgizilgen dintaný saraptamasynyń nátıjeleri boıynsha usynylǵan kitapshalar men býkletterdiń dinı mazmuny rastaldy.

Endi qala turǵyny 50 AEK (172 500 teńge) mólsherinde aıyppul tóleıdi.

Eske salsaq, osyǵan deıin Qazaqstan musylmandary dinı basqarmasy oqýshy qyzdardyń mektepke oramalmen barýyna qatysty týyndaǵan máselege óz málimdemesin jarııalaǵan edi.