Óskemende dámhanada órt shyǵyp, 45 eresek jáne 10 bala evakýatsııalandy

ÓSKEMEN. QazAqparat – Óskemen qalasynda kópqabatty úıge japsarlas ornalasqan dámhanada órt shyǵyp, 55 adam qaýipsiz jerge shyǵaryldy, dep habarlaıdy QazAqparat Tótenshe jaǵdaılar mınıstrligine silteme jasap.

«2 shilde kúni, saǵat 05.23 shamasynda Óskemen qalasynda dámhanada órt shyqty. Bul ýaqytta dámhana jabyq bolǵan. Barlyǵy 55 adam evakýatsııalandy, onyń ishinde 10 bala. Oqıǵa saldarynan zardap shekkender joq.

Evakýatsııa júrgizýmen birge órt sóndirýshiler otpen kúresip, ony saǵat 6.19-da 120 sharshy metr aýmaqta sóndire aldy.

ShQO TJD barlyq dámhana úı-jaılary avtomatty habarlaý júıelerimen jabdyqtalýy tıis ekenin eske salady.

Órt kezinde dereý»101«nómirine qońyraý shalyńyz», - delingen TJM málimetinde.