Óskemende dámhana mańynda 25 jastaǵy jigitti óltirip ketti

Óskemen qalasynda dámhana mańynda 25 jastaǵy jigitti óltirip ketti, dep habarlaıdy Kazinform.

Oqıǵa qaladaǵy Lıharev kóshesinde bolǵan. Dámhana aldynda er adamdar eregesip qaldy.

Sol kezde ótkir zatpen jaralanǵan 25 jastaǵy jigit sol jerde kóz jumǵan.

Qazirgi ýaqytta polıtsııa qyzmetkerleri tergeý amaldaryn júrgizip jatyr.

«Atalǵan fakti boıynsha QR Qylmystyq kodeksiniń 99-baby 1-bóligine sáıkes sotqa deıingi tergeý amaldary júrgizilip jatyr. Jedel izdestirý sharalarynyń nátıjesinde kúdikti ustalyp, ýaqytsha ustaý ızolıatoryna qamaýǵa alynǵan», - dep habarlady ShQO polıtsııa departamentiniń baspasóz qyzmeti.

Vedomstvo dereginshe, QR QPK 201-babyna sáıkes sotqa deıingi tergeýdiń ózge derekteri jarııa etilmeıdi.