Óskemende byltyr aqaý shyqqan jylý ortalyǵy jylytý maýsymyna daıyn ba
«Óskemen JEO» JShS qaladaǵy turǵyn úıler men ónerkásiptik kásiporyndardyń 80 paıyzyn jylýmen qamtamasyz etedi.
Byltyrǵy jylytý maýsymynda ortalyqtan aqaý shyǵyp, jurt úıleriniń sýyp ketkenine shaǵymdanǵan bolatyn.
Bıyl osyndaı olqylyq qaıtalanbas úshin JEO-da jóndeý jumystary júrgizilýde.
«Búgingi tańda jóndeý jumystary bekitilgen kestege sáıkes júrgizilip jatyr. Negizgi jáne qosalqy jabdyqtardaǵy jumys aıaqtalýǵa jaqyn. Josparlanǵan jóndeý jumystarynyń jalpy kóleminiń 71,5 paıyzy oryndaldy», - dep málim etti jylý elektr ortalyǵynan.
Aldaǵy jylytý maýsymyna deıin barlyǵy 9 qazandyq pen 8 týrbına jóndelmek. JEO-daǵy jóndeý jumystaryna 8,8 mlrd teńge jumsalady.
Eske salsaq, osyǵan deıin Rıdderdegi jylý ortalyǵynda jóndeý jumystarynyń qalaı júrgizilip jatqanyn habarlaǵan edik.
