Óskemende búlikshiler alty saýda nysanyn zaqymdaǵan
ShQO Kásipkerler palatasy baspasóz qyzmetiniń málimetine súıensek, Óskemen men Semeı qalalarynda búlikshilerdiń kesirinen birqatar nysanǵa zaqym kelgen.
«Óskemende alty saýda nysany jáne Semeıde qonaqúı zaqymdanyp, kásipkerlerge materıaldyq shyǵyn keltirildi. Bul málimetter tıisti tizimge engizý úshin oblys ákimdigine joldanǵan», - dedi palata dırektory Qaırat Mamyrbaev.
Onyń aıtýynsha, qoǵamdyq tamaqtandyrý salasyndaǵy kásipkerler kúsheıtilgen rejımde jumys istegen áskerılerge qamqorlyq kórsetti.
Olarǵa tamaq jetkizý «Shyǵys Qazaqstannyń týrıstik qaýymdastyǵy» birlestigimen yntymaqtasa júrgizildi.
Іs-sharaǵa Nur Otan partııasynyń músheleri de qatysqan.
Máselen, 10 qańtar kúni Óskemendegi Metro saýda orny áskerılerge 1,5 myń bótelke sý, «Pıat zvezd» JShS 500 bálish, «Bagratıon Ulan» JShS 500 aıran ákelse, «Vostok Moloko», «Emıl», «Karavaı» jáne «Qalıhanuly» syndy kásipkerlik sýbektileri de óz ónimderin jetkizgen.
