Óskemende búginnen tramvaılar qaıta júre bastady

ÓSKEMEN. KAZINFORM — Óskemen qalasynda birneshe kún boıy toqtap turǵan tramvaılar qaıta qatynaı bastady.

Qala boıynsha 15 tamyzda barlyq tramvaı toqtady. «Óskemen kólik kompanııasy» JShS málimetine súıensek, buǵan tramvaı parkiniń kireberisi men shyǵaberisindegi relsterdi aýystyrý jumystarynyń júrgizilý sebep boldy. 

— Qazir jumystar tolyq aıaqtaldy. 20 tamyz tańerteńnen bastap tramvaılar qaıtadan relske shyqty, — delingen aqparatta.

Alaıda áli Myzy men Qazaqstan kósheleriniń qıylysyndaǵy relsti de aýystyrý qajet. Sol kezde taǵy qozǵalys toqtaıdy. Ázirge ol jumystardyń naqty qashan bastalatyny belgisiz.

Eske salsaq, osyǵan deıin Óskemen qalasynda tramvaı qozǵalysy birneshe kúnge toqtaıtyny habarlanǵan.