Óskemende búginnen bastap tramvaılar toqtaıdy

ÓSKEMEN. QazAqparat – Óskemen qalasynda búginnen bastap bir aptaǵa jýyq ýaqyt boıy tramvaı júrmeıdi, dep habarlaıdy QazAqparat tilshisi.

Qalalyq jolaýshylar tasymalyn basqarý ortalyǵynyń málimetine súıensek, jóndeý jumystaryna baılanysty 6 shildeden bastap tramvaı qozǵalysy toqtatyldy.

«Qazaqstan» kóshesindegi relsterdi aýystyrý jumystary júrgizilmek. Sondyqtan, tramvaılardyń ornyna qosymsha avtobýstar shyǵarylady. «Óskemen beketi-Zaşıta» baǵytynda №15 avtobýs júredi. Onyń qozǵalysyn Oskemenbus mobıldi qosymshasynan baqylap otyrýǵa bolady», - delingen aqparatta.

Tramvaı joldaryn jóndeý jumystary shamamen bir aptaǵa sozylady dep josparlanǵan. Sonymen qatar, tasymaldaýshylar «Qazaqstan» kóshesiniń boıymen júretin №26, Abaı dańǵylynda júretin №67 jáne №6 avtobýstarynyń sanyn arttyrmaq.