Óskemende bir jasar bala saqına jutyp qoıdy

Óskemen qalasynda bir jasar bala saqına jutyp qoıdy, dep habarlaıdy Kazinform.

ShQO Densaýlyq saqtaý basqarmasy baspasóz qyzmetiniń málimetine súıensek, «103» arnasyna habarlasqan qala turǵyny balasynyń saqına jutyp qoıǵanyn aıtty. Saqına tynys alý jolyn jaýyp, búldirshin tunshyǵa bastaǵan.

«Jedel járdem qyzmetkerleri sol jerge jetkenshe dıspetcher Eldos Ánýarhanov telefon arqyly ata-anasyna Geımlıh manevrin jasaýdy túsindirip, qalaı áreket etý kerektigin aıtyp otyrdy. Abyroı bolǵanda, 1 jasar bala qaıta tynys ala bastap, aman qaldy», - delingen aqparatta.

Ata-anasy dıspetcherge alǵys bildirip, rızashylyqtaryn jetkizdi.