Óskemende bir kúnniń ózinde 14 balany kene shaqty
ÓSKEMEN. KAZINFORM — Óskemen qalasynda keneden zardap shekkender sany kúrt kóbeıdi. Bıyl óńirde keneler ádettegiden erte shyqty. Bul jándikterden eresekterge ǵana emes, balalarda zardap shegip jatyr.
24 naýryz ben 14 sáýir aralyǵynda kene shaqqan balalardyń sany 65-ke jetti. Dárigerler mundaı kórsetkishtiń buryn bolmaǵanyn aıtyp, dabyl qaǵyp otyr.
— Sońǵy bir kúnniń ózinde ǵana 14 balany kene shaqty. Barlyq balanyń ishindegi 63-ine ýaqtyly ekpe salyndy. Al ekeýi aýrýhanaǵa tym kesh qaralǵan. Zardap shekken balalardyń eń kishisi 3 jasta, — dep habarlady Shyǵys Qazaqstan oblystyq Ana men bala ortalyǵynyń travmatologııa ortalyǵynan.
Eske salsaq, osyǵan deıin Almatyda kenemen kúreske 144 mln teńge bólingeni habarlanǵan.
