Óskemende bir aıda 70-ke jýyq adamdy ıt qapty

ÓSKEMEN. KAZINFORM – Óskemen qalasynda kóshe kezgen buralqy ıtter aqpan aıynda 69 adamdy qapqan. 

№4 aýrýhana qyzmetkeri Galına Pahomovanyń aıtýynsha, qańtar aıynda ol aǵaıyndy Abdýllınder atyndaǵy óner mektebi mańynda jáne Mıhaelıs kóshesindegi №7 úıdiń janynda eki ret qańǵyrǵan ıtterdiń shabýylyna ushyraǵan. Sol kezde qorǵanamyn dep qulaǵan áıel qabyrǵasyn syndyryp alǵan.

– 2025 jyldyń basynan beri travmatologııalyq pýnktke ıt qapqan 571 adam júgindi. Onyń 464-i - ıesiz ıtterdiń shabýylynan zardap shekken. Tek aqpan aıynyń ózinde osyndaı 69 jaǵdaı tirkeldi, - dedi aýrýhananyń bas dárigeriniń orynbasary Elena Kýlıkova. 

Óskemen qalasynyń ákimi Almat Aqyshov óz sózinde máseleni sheshý úshin zańǵa ózgerister engizý qajettigin jetkizdi. 

– Bul másele maǵan jaqsy tanys. Biz Parlamentke tıisti usynystar joldadyq. Jaqyn arada oblys ákimdigimen birlesip sheshý joldaryn talqylaımyz, - dedi ol.

Eske salsaq, osyǵan deıin byltyr Atyraýda 10 myńǵa jýyq buralqy ıt aýlanǵany habarlanǵan.