Óskemende bir aı buryn joǵalyp ketken qyzdyń denesi tabyldy

ÓSKEMEN. KAZINFORM – Óskemen qalasynda osydan bir aı buryn joǵalyp ketken qyzdyń denesi tabyldy. 

12 qarasha kúni tańerteń úıden shyǵyp ketken Ánel Erik sol kúıi eshkimmen baılanysqa shyqpaǵan. Sońǵy ret ony Metallýrg saıabaǵynyń aýmaǵynda kórgender boldy. Qyzdy izdestirýge týǵan-týystary, polıtseıler men eriktiler kirisken.

- Qyzdyń denesi Úlbi ózeninen tabyldy. Kózge kórinetindeı dene jaraqattary joq. Tıisti saraptama taǵaıyndalyp, sotqa deıingi tergeý amaldary júrgizilýde, - dep habarlady ShQO polıtsııa departamentinen. 

Sondaı-aq Óskemende 25 qarashada joǵalyp ketken taǵy bir qyz izdestirildi. 24 jastaǵy Aıpara Týlaqbaı aman-esen tabyldy. 

Eriktiler qozǵalysynyń úılestirýshisi Olesıa Klınkovanyń aıtýynsha, Aıpara volonterlar men týystarynyń birlese áreket etýiniń arqasynda tabylǵan. Alaıda ol qyzdyń naqty qaıdan tabylǵany týraly aıtpady. 

Eske salsaq, osyǵan deıin Batys Qazaqstanda ózennen er adamnyń denesi tabylǵany habarlanǵan.