Óskemende bir aptada 20-dan astam adamdy ıt qapty

ÓSKEMEN. KAZINFORM – Óskemen qalasynda qańǵybas ıtterden zardap shekkender sany artyp keledi.

Qala turǵyndary kóshelerde ıesiz ıtterdiń qaptap júretinine jyl basynan beri shaǵymdanyp kele jatyr. Al sońǵy kúnderi olar «Metallýrgter» saıabaǵynda buralqy ıtterden aıaq alyp júre aımaıtyndyqtaryn jetkizgen. It qaýyp alǵandar da az emes.

Belgili bolǵandaı, Óskemendegi medıtsınalyq mekemelerge 7-13 shilde aralyǵynda ıt qapqan 23 adam júgingen.

- Ótken aptada adamdy janýarlar tistegen 31 fakti tirkeldi. Onyń ishinde 10-y - úıdegi ıt, 13-i - buralqy ıt. Sonymen qatar 6 adamdy úıdegi mysyq tistep alǵan. Barlyǵyna tıisti em kórsetildi, - dep habarlady ShQO Densaýlyq saqtaý basqarmasynyń baspasóz qyzmeti.

Eske salsaq, keshe Óskemendegi saıabaqta qańǵyrǵan ıtter adamdarǵa qaýip tóndirip turǵany jaıly jazǵanbyz./