Óskemende bolǵan órtten bir adam qaza taýyp, ony qutqaryldy
ÓSKEMEN. QazAqparat - Óskemendegi Qabanbaı batyr kóshesinde ornalasqan úılerdiń birinde órt boldy, dep habarlaıdy QazAqparat tilshisi.
Órt sóndirýshiler oqıǵa týraly habar alǵan soń shuǵyl jetip kelgenmen, úı mańynda qaptaǵan kólikter olardyń úıge jetýine qıyndyq týǵyzǵan.
Qutqarýshylar úıdiń altynshy qabatyndaǵy órtke oranǵan páterden esinen tanyp qalǵan eki adamdy syrtqa shyǵardy. Olar jedel járdem kelgenshe er men áıelge jasandy jolmen tynys aldyrýǵa áreket jasaǵan. Ókinishke qaraı, dárigerler oqıǵa ornyna jetkenshe áıel qaıtys bolǵan, al er adam shuǵyl túrde aýrýhanaǵa jetkizildi.
Órt sóndirýshilerdiń bir bóligi bul kezde qoıý tútinge oranǵan páterlerdiń 10 turǵynyn qutqaryp, taǵy 18-in evakýatsııalady.
Qazirgi kezde órt shyqqan páterdiń joǵarǵy qabatynda turatyn 2 áıel dárigerlerdiń qaraýynda. Olardyń ekeýi de ys tıgen bolýy múmkin degen kúdikpen aýrýhanaǵa jetkizildi.
Jalyn 20 sharshy metrdi sharpyǵan. 11 shamasynda órt tolyqtaı sóndirildi.
Aldyn ala derekter boıynsha, tilsiz jaýdyń 2 túrli sebebi bolýy múmkin: alaýdy paıdalaný kezinde saq bolmaý nemese elektr qondyrǵylaryn paıdalaný kezindegi órt qaýipsizdigi erejelerin saqtamaý.
Avtor: Lıýdmıla Malko
