Óskemende «Bizdiń Abaı» ádebı tramvaıy jolǵa shyqty

ÓSKEMEN. QazAqparat - Óskemen qalasynda «Bizdiń Abaı» ádebı tramvaıy jolǵa shyqty, dep habarlaıdy QazAqparat.

Búgin Óskemende uly aqynnyń 175 jyldyǵyna oraı «Bizdiń Abaı» ádebı tramvaıy jolǵa shyqqan. Qoǵamdyq kóliktiń ishine hákimniń qara sózderi, óleńderi qoıyldy. Onyń ishi men syrtyn ásemdeýge Oralhan Bókeı atyndaǵy qalalyq kitaphana qyzmetkerleri atsalysqan.

«Bul tramvaıdy jýyqta kúrdeli jóndeýden ótkizdik. Jolǵa shyǵarar aldynda osyndaı oı keldi. Osy arqyly biz uly Abaıdyń rýhanı murasyn nasıhattaǵymyz keledi» - deıdi qala ákimi Jaqsylyq Omar.

«Bizdiń Abaı» ádebı tramvaıy jyl sońyna deıin júretin bolady.

Esterińizge sala ketsek, osyǵan deıin Óskemende Abaıdyń 175 jyldyǵyna oraı 100-ge jýyq shara ótkiziletini habarlanǵan bolatyn.