Óskemende bıyl tumaýǵa shaldyqqandar sany 1,2 ese artty
Qalalyq sanıtarlyq-epıdemıologııalyq baqylaý basqarmasynyń málimetine súıensek, bıyl JRVI-men aýyrǵandar sany 1,2 ese artyp otyr. Bul dertke shaldyqqandardyń jartysynan kóbi 14 jasqa deıingi balalar.
«Qazirgi ýaqytta Óskemende JRVI boıynsha jalpy epıdemıologııalyq jaǵdaı turaqty, maýsymǵa tán. Qazan aıynan beri tumaý juqtyrǵandar da tirkelýde. Búgingi tańda tórt adam tumaýǵa shaldyqqan. Tumaýdyń asqynýynan qaıtys bolǵandar joq», - deıdi basqarmanyń epıdemıologııalyq baqylaý bóliminiń basshysy Araı Aıdarqyzy.
Onyń aıtýynsha, qazan-qarasha aılarynda halyqty tumaýǵa qarsy ımmýndaý júrgizilýde. Osy jyly jergilikti bıýdjet esebinen 60 jastan asqan qarttarǵa, balalar men JRVI-men jıi aýyratyn adamdarǵa vaktsına salý úshin «Grıppol plıýs» ekpesiniń 41,5 myń dozasy satyp alyndy.