Óskemende bıyl qolaısyz meteorologııalyq jaǵdaı kóbeıgen

ÓSKEMEN QazAqparat – Óskemen qalasynda osy jyly qolaısyz meteorologııalyq jaǵdaı qalyptasqan kúnder kúrt artyp otyr, dep habarlaıdy QazAqparat tilshisi.

ShQO Ekologııa departamenti baspasóz qyzmetiniń málimetine súıensek, osy jyldyń alty aıynda Óskemende 60 kúnde qolaısyz meteorologııalyq jaǵdaı boldy. Máselen, 2021 jyldyń 12 aıynda osyndaı jaǵdaı tek 42 kúnde qalyptasqan.

Statıstıkaǵa sáıkes, sońǵy segiz jyl ishinde qaladaǵy qolaısyz meteorologııalyq jaǵdaı kúnderi 42-den 91-ge deıingi aralyqta boldy. Biraq osy jyldyń jarty jyldyǵynda kúrt artyp otyr.

«2022 jyly 99 kúnde, 2020 jyly 70-ten astam kúnde qolaısyz meteorologııalyq jaǵdaı qalypasqan. Qolaısyz meteorologııalyq jaǵdaı degenimiz – atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń, ıaǵnı tymyq aýa raıy, jeńil jel, tuman men ınversııa jıyntyǵy. Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal», - deıdi departament basshysy Danııar Álıev.