Óskemende bıyl elektrosamokat júrgizýshileriniń qatysýymen jol apaty tirkelgen joq
Qalalyq polıtsııa basqarmasy baspasóz qyzmetiniń málimetine súıensek, tártip saqshylary elektrosamokat tizgindeýshilerge túsindirý jumystaryn júrgizýde.
«Qazir Óskemen kóshelerinde elektrosamokattar kóp júredi. Jol erejesine sáıkes, elektrosamokatpen velosıped joldarynda, jol jıekteri men trotýarlarda jaıaý júrginshiler aǵynynyń jyldamdyǵymen, ıaǵnı saǵatyna 6 shaqyrymnan aspaıtyn jyldamdyqpen júrýge bolady», - dep túsindirdi basqarmanyń jol-tehnıkalyq ınspektsııa bóliminiń bastyǵy Sergeı Kovalenko.
Onyń aıtýynsha, velojolaq bolmaǵan jaǵdaıda joldyń shetki oń jaq jolaǵynda qatynaýǵa ruqsat etilgen. Biraq ol úshin adam 18 jasta bolýy tıis, júrgizýshi kýáligi bolýy kerek jáne basyna shlem, ústine jaryq shaǵylystyratyn kıim kııýi qajet.
Vedomstvo dereginshe, jyl basynan beri Óskemende elektrosamokat júrgizýshilerimen bolǵan jol-kólik oqıǵasy tirkelgen joq.