Óskemende bıyl 7 balabaqsha ashylmaq

ÓSKEMEN. QazAqparat - 2020 jyly Óskemen qalasynda 7 mektepke deıingi mekeme ashý josparlanyp otyr, dep habarlaıdy QazAqparat.

Byltyr oblys ortalyǵyndaǵy barlyq balabaqshalarǵa beınebaqylaý kameralary ornatylǵan. Al 2020 jyly túgel mektepterdi kameralarmen qamtamasyz etý kózdelýde.

«Ótken jyly Óskemende jeke kásipkerlerdiń qarajatyna 4 balabaqsha salynǵan bolatyn. Bıyl jańadan 7 balabaqsha boı kótermek. Onyń úsheýi memlekettik-jekeshelik áriptestik aıasynda salynady» – dep habarlady qala ákimdiginiń baspasóz qyzmeti.

Bıyl qaladaǵy jas tehnıkter stantsııalarynyń ǵımarattaryn jańartýǵa qarajat bólingen. Sonymen qatar bilim ordalaryn qajetti sporttyq jabdyqtarmen qamtamasyz etý josparlanýda.

«2019 jyly 35 mekteptiń ashanasy jańǵyrtýdan ótti. Osy jyly qalǵan 9 mekteptegi tıisti jumystar aıaqtalmaq» – delingen málimette.

Talǵatjan Muhametbekuly

foto: angusht.org