Óskemende bıyl 64 jol apaty tirkelip, 81 adam jaraqat alǵan
ÓSKEMEN. QazAqparat – Óskemen qalasynda jyl basynan beri 64 jol apaty tirkelgen. Bul ótken jylmen salystyrǵanda az, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, bıyl shahar joldarynda 64 jol apaty tirkelip, sonyń saldarynan 2 adam qaza bolyp, 81-i túrli deńgeıdegi jaraqattar alǵan. Bul kórsetkish ótken jylǵy kezeńmen salystyrǵanda birshama az.
«Byltyr 70 jol apaty bolyp, 95 adam jaralanǵan. Mert bolǵandar sany – 1. Jol-kólik oqıǵalary sanynyń tómendeýi – júrgizýshilerdiń erejelerdi buzýdy azaıtqanyn bildirmeıdi. Ókinishke qaraı, jol júrý talaptaryn saqtamaıtyn azamattar áli de kóp. Barlyq oqys oqıǵalardyń jartysy kólik júrgizýshilerdiń jaıaý júrginshilerdi qaǵyp ketýine qatysty bolyp otyr», - dedi basqarma bastyǵy Andreı Mýla.
Osy rette, tártip saqshylary júrgizýshilerge jol qozǵalysy erejelerin qatań saqtaý qajettigin eskertedi. Jyldamdyq rejımin saqtap, jaıaý júrginshiler ótkeliniń janynda, ásirese balalar jıi júretin ýchaskelerde jyldamdyqty tómendetý qajet.
Esterińizge sala ketsek, osyǵan deıin ShQO-da jol apatyna túsip, kólikke qystyrylyp qalǵan áıel qutqarylǵanyn habarlaǵan edik.
