Óskemende bıyl 266 myń sharshy metr turǵyn úı paıdalanýǵa beriledi
Bul jaıly búgin Óskemen qalasynyń turǵyndarymen kezdesken Shyǵys Qazaqstan oblysynyń ákimi Danıal Ahmetov málim etti.
«Halyqtyń turǵyn úımen qamtamasyz etilýin arttyrý úshin 2022 jyly 266 myń sharshy metr turǵyn úıdi paıdalanýǵa berý josparlanyp otyr. Onyń ishinde «Nurly jol» shaǵyn aýdanynda 994 páterlik 15 kópqabatty úı, Kókjal Baraq, Qazybek bı, Krasın, Toqtarov, Ótepov kóshelerinde 600 páterlik 12 úı boı kóteredi», - dedi ol.
Sondaı-aq shahar aýmaǵynda 81 myń sharshy metr jer úı salynady. «Birqabatty Shyǵys» baǵdarlamasy boıynsha jeke ınvestorlardyń qarajaty esebinen 85 úı paıdalanýǵa berilmek.
«Memlekettik múlikti tıimdi paıdalaný maqsatynda ákimdiktiń balansyndaǵy úı-jaılarǵa aýqymdy túgendeý júrgiziledi. Búginde PIK-ter ornalasqan 20-ǵa jýyq páter bosatyldy. Olar halyqtyń áleýmettik osal toptary arasynda bólinetin bolady», - dedi kezdesý barysynda baıandama jasaǵan qala ákimi Jaqsylyq Omar.
