Óskemende bıyl 1400-ge jýyq «Sergek» kamerasy ornatylady
ÓSKEMEN. QazAqparat – Óskemen qalasyndaǵy «Sergek» kameralary jyl basynan beri 11 myńnan astam buzýshylyqty tirkedi, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, «Sergek» apparattyq-baǵdarlamalyq kesheniniń kameralary Óskemende 2019 jyldan beri jumys istep keledi.
Qazirgi ýaqytta shahar boıynsha 4 myńǵa jýyq kamera ornatylǵan.
Osy jyly taǵy 1400-ge jýyq kamera qoıylmaq.
«Jyl basynan beri júıede jalpy somasy 95 504 540 teńgeni quraıtyn 11 191 buzýshylyq tirkeldi. Al 2021 jyly 1 mlrd 200 mln teńgege jýyq 119 634 buzýshylyq anyqtalǵan. Óndirilgen aıyppul mólsheri – 867 867 719 teńgeni qurap otyr», - delingen aqparatta.
