Óskemende biryńǵaı balabaqsha kezegi iske qosylady
ASTANA. QazAqparat - Qańtar aıynan bastap oblys ortalyǵynda balalardy balabaqshaǵa kezegine tirkeýdiń jańa elektrondy júıesi iske qosylmaq. Endi ata-analar ózderine qajetti balabaqshaǵa arnalǵan baǵyttama qujatty óz betterimen ala alady, dep jazady altaynews.
Ótken jyldyń sońyna qaraı qaladaǵy ata-analar mektepke deıingi mekemelerge arnalǵan kezek tártibiniń retsiz aýysyp ketkendigin aıtyp biraz shýlasqan edi. Máselen 221-shi bolyp turǵandar aıaq astynan 224-ke nemese 190-shy bolyp turǵandar 2001-shi kezekke shegerilip ketken. Dál osy keleńsizdik ata-analar ujymyn birshama alańdatty.
Belgili bolǵandaı barlyq gáp jańa júıede bolyp shyqty. Óskemende biryńǵaı elektrondy kezek qurylǵan eken. Buny Óskemen qalalyq bilim bóliminiń, mektepke deıingi tárbıe jáne oqytý boıynsha bas mamany Aıgúl Erejepova rastady. Onyń túsindirýinshe,máselen eger buryn ata-ana balasy týa sala ony belgili bir balabaqshaǵa kezekke qoıyp qoısa, endi burynǵydaı bólek-bólek emes ortaq kezekke turady. Bul 1-shi nómirge jaqyndaǵansha kezekti kútý kerek degendi bildirmeıdi.
Aıgúl Erejepovanyń aıtýynsha jańa júıe boıynsha jalpy kezekke tirkelgen soń, ata-analar balasyn qaı ýaqytta balabaqshaǵa bergisi keledi sol ýaqytta kerekti balabaqshasyn tańdaı alady. Óıtkeni keıbir analar balalaryn 2 jasta, keıbiri 3 jastan bastap bergiendi jón sanaıdy. Elektrondy Úkimet saıtynda óte yńǵaıly ınterfeıs júkteledi. Dál sol jerden ata-ana balasynyń jasyna saı balabaqshany, topty tańdap ala alady. Elektrondy baǵdarlama bolsa, ol mekemede oryn bar-joǵyn birden anyqtap beredi.
«Endi ata-analar baǵyttama qujattty ózderi -aq shyǵaryp ala alady. Aldymen saıttan balabaqsha men jasyna saı topty tańdaıdy. Barlyq júıe avtomattandyrylǵan»,-dedi Aıgúl Erejepova.
