Óskemende «Bir ózen – bir taǵdyr» atty halyqaralyq ekologııalyq aktsııa ótti

ÓSKEMEN. QazAqparat – Óskemen qalasynda «Bir ózen – bir taǵdyr» atty halyqaralyq ekologııalyq aktsııa ótti, dep habarlaıdy QazAqparat tilshisi.

«Bir ózen – bir taǵdyr» halyqaralyq aktsııasy Zaısan aýdanynda bastalǵan bolatyn. Sharaǵa Ertis ózeni aǵyp ótetin aýdandar qatysady.

«Qazirgi tańda Pavlodar oblysy jáne Reseı Federatsııasyndaǵy áriptesterimizben kelissózder júrgizilýde. Búgin Óskemendegi Ertis ózeniniń boıyn qoqystan tazarttyq. Qala turǵyndaryn osyndaı ıgi aktsııaǵa qatysýǵa shaqyramyz», - dedi oblystyq Jastar resýrstyq ortalyǵynyń basshysy Araılym Esimbekova.

Aktsııa aıasynda sý qoımasynyń jaǵalaýy jınalǵan qoqystan tazartyldy. Ókinishke qaraı, jaǵajaıda demalýshylardyń kóbi qoqysty shashyp ketip qalady.

«Tazalaý jumystaryn júrgizý barysynda demalýshylardyń qoqystaryn beıbereket laqtyryp kete beretindikterin baıqadyq. Osyǵan oraı Óskemen qalasynyń máslıhat depýtattary tıisti shara qoldanýdy oılastyrýda. ıAǵnı, tabıǵat aıasynda qaldyqtardy shashqan adamdarǵa aıyppul salý máselesi qaralyp jatyr», - deıdi Araılym Esimbekova.