Óskemende bir kúnde 130-ǵa jýyq adam onkolog mamandarǵa tegin qaraldy
ShQO Kópsalaly onkologııa jáne hırýrgııa ortalyǵynda kolorektaldik qaterli isik jáne jatyr moıny obyrynyń aldyn alý jáne erte anyqtaýǵa baılanysty Ashyq esik kúni ótti. Kelýshiler tegin ári joldamasyz onkolog mamandarǵa qaralyp, keńes aldy.
Shara barysynda ortalyqqa kelgen 130-ǵa jýyq adamǵa medıtsınalyq kómek kórsetildi. Onyń ishinde 13 azamattan qaterli isik qaýpi, 40-tan astam turǵynnan basqa da aýrýlar tirkeldi.
«Osy sharaǵa qatysý úshin arnaıy keldim. Dárigerler meni muqııat qarap, óz keńesterin berdi. Áıel adam óz densaýlyǵyna árqashan kóńil bólýi kerek. Onyń ústine esh joldamasyz bilikti mamanǵa qaralý óte yńǵaıly», - deıdi qala turǵyny Saltanat Sembınova.
Aıta keteıik, elimizde MÁMS aıasynda jatyr moıny obyryn anyqtaýǵa baǵyttalǵan skrınıngtik baǵdarlamalar bar. 50 men 70 jas aralyǵyndaǵy azamattar toq ishek obyryna qatysty skrınıngtik tekserýlerdi turǵylyqty mekenjaıy boıynsha emhanalardan óte alady.