Óskemende byltyr qarasha aıynan beri jartylaı jabylǵan Ponton kópiri ashyldy

ÓSKEMEN. KAZINFORM — Óskemen qalasynda jartylaı jabylǵan Ponton kópirinde káriz kollektoryndaǵy uzaqqa sozylǵan jóndeý jumystary aıaqtaldy. 

Ponton kópiri — qaladaǵy Ertis ózeni arqyly ótetin eki ǵana kópirdiń biri. Onyń birshama ýaqyt jartylaı jabyq turýy turǵyndardyń narazylyǵyn týǵyzǵan edi. Buǵan kópir astymen ótetin apatty jaǵdaıdaǵy káriz kollektoryn aýystyrý jumystary sebep bolǵan.

Óskemen qalasynyń ákimi Almat Aqyshov bul jumystardyń mamyr aıynyń sońyna deıin tolyq aıaqtalatynyn aıtqan edi. 

— Ákimniń kópirdi mamyr aıynyń sońynda ashý týraly tapsyrma tapsyrmasy oryndaldy. Búgingi tańda káriz kollektorynyń eki jelisi tolyq aýystyrylyp, jańartyldy. Sondaı-aq, qosylys bólikterin dánekerleý, aınalasyndaǵy aýmaqty abattandyrý jáne jaryqtandyrý júıesin ornatý jumystary bastaldy, — dep habarlady ákimdiktiń baspasóz qyzmetinen.

Eske salsaq, osyǵan deıin Óskemendegi Ponton kópiri mamyr aıynyń sońyna deıin ashylýy tıistigi jaıly  jazǵanbyz.