Óskemende bıyl da kómir alýǵa uzyn-sonar kezek qalyptasýy múmkin

ÓSKEMEN. KAZINFORM – Óskemen qalasynda jyl saıynǵy kómir alýǵa uzyn-sonar kezek bıyl da bolýy múmkin.

Jyl saıyn halyq jaz boıy kómir almaı, tek qazan-qarasha aılarynda satyp ala bastaıdy. Sonyń saldarynan kómir satatyn tuıyqtarda uzyn-sonar kezek qalyptasyp, túrli daý-janjaldar shyǵady. Osyny boldyrmas úshin jurtshylyqqa kómirdi erterek alý qajettigi jaıly túsindirý jumystary júrgizilgen. Alaıda soǵan qaramastan bıyl da turǵyndardyń kópshiligi kún sýyta bastaǵanda ǵana kómir alýǵa kóshti.

«Shilde, tamyz aılarynda turǵyndar kómir almady. Tek qyrkúıek aıynda satyp ala bastady. «Qarajyra» AQ tarapynan da kómir jetkizýge qatysty azdaǵan máseleler boldy. Osylaısha, qazan men qarashada kómir alýǵa degen suranys artyp, uzyn-sonar kezek qalyptasý qaýpi týyndap otyr», - deıdi oblystyq Energetıka jáne turǵyn úı-kommýnaldyq sharýashylyq basqarmasynyń basshysy Nurlan Ramazanov.

Eske salsaq, osyǵan deıin Óskemende úılerge jylý berilgendigin habarlaǵan edik.