Óskemende bıyl 60-tan astam kún jel soqpaı, qalany tútin basyp turdy
ÓSKEMEN. KAZINFORM – Óskemen qalasynda jyl basynan beri 62 kúnde qolaısyz meteorologııalyq jaǵdaı tirkeldi.
Qalada jelsiz kúnderi avtokólikter men kásiporyndar shyǵaratyn lastaýshy zattardyń aýaǵa taralýy jıileıdi. Sondyqtan «Qazgıdromet» RMK halyqqa aldyn ala qolaısyz meteorologııalyq jaǵdaı qalyptasqany jaıly eskertip otyrady.
- 2025 jyly Óskemende osyndaı 62 kún bolǵan. 2020 jyly - 78, 2021 jyly - 42, 2022 jyly - 99, 2023 jyly - 124, 2024 jyly - 100 kúnde qolaısyz meteorologııalyq jaǵdaı tirkeldi, - delingen aqparatta.
Mamandar osyndaı kúnderde dalada uzaq júrmeýge, páterdegi terezeler men jeldetkishterdi jabýǵa, qaınatylǵan, tazartylǵan nemese gazsyz mıneraldy sý men sháı ishýge keńes beredi. Sondaı-aq tamaq ratsıonyna quramynda pektıni bar azyq-túlikterdi qosqan jón.
Eske salsaq, keshe eldegi 7 qalada aýa sapasy nasharlaǵan bolatyn.
Botakóz Kenjehanqyzy