Óskemende betperde kıgen qaraqshylar býkmekerlik keńseni tonaǵan
NUR-SULTAN. QazAqparat – Óskemende býkmekerlik keńsege qaraqshylyq shabýyl jasaldy, dep habarlaıdy QazAqparat ShQO Polıtsııa departamentiniń baspasóz qyzmetine silteme jasap.
2 qyrkúıek kúni saǵat 04.36-da Óskemen qalasy polıtsııa departamentiniń jedel basqarý ortalyǵynyń 102 arnasyna býkmekerlik keńseniń kassırinen eki belgisiz adam qaraqshylyq shabýyl jasaǵany týraly habar tústi. Oqıǵa ornyna kelgen jedel tergeý toby saǵat 04.29 shamasynda býkmekerlik keńsege betperde men kúlápara kıgen eki belgisiz adam kirip, tapanshaǵa uqsas quralmen qorqytqanyn jáne kassadan 484500 teńge tonaǵanyn anyqtady. Іzdestirý sharalarynyń nátıjesinde jáne beınekameralardyń kómegimen kúdiktiler qolǵa tústi. Qaraqshylardyń júrgen joly, oqıǵa ornynan qalaı jasyrynǵandary túgeldeı anyqtaldy.
Qazirgi tańda QR QK 192-babyna (qaraqshylyq) sáıkes sotqa deıingi tergeý júrgizilip jatyr. Kúdiktiler ýaqytsha tergeý ızolıatoryna qamaldy.
