Óskemende bes kúnde jol erejesin buzǵan 26 mototsıkl júrgizýshisi jaýapqa tartyldy
ÓSKEMEN. QazAqparat – Óskemen qalasynda bes kún ishinde jol erejesin buzǵan 26 mototsıkl júrgizýshisi jaýapqa tartyldy, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, tártip saqshylary 25 sáýir men 1 mamyr aralyǵynda «Mototsıkl» jedel aldyn alý sharasyn júrgizdi. Mundaǵy maqsat – mototsıkldiń qatysýymen bolatyn jol apatynyń aldyn alý.
5 kún boıy patrýldik polıtsııa batalonynyń ınspektorlary kóshedegi mototsıklder men mopedterdi toqtatyp, tekserdi. Jol qozǵalysy erejesin buzǵany úshin 26 mototsıkl júrgizýshisi ákimshilik jaýapkershilikke tartyldy. Sondaı-aq mamandandyrylǵan turaqqa 1 mototsıkl jetkizildi.
«Polıtsııa qyzmetkerleri shara barysynda mototsıkl tizginine otyrǵan kámeletke tolmaǵan balany anyqtady. Onymen profılaktıkalyq áńgime júrgizilip, ata-anasyna aıyppul salyndy», - deıdi basqarma bastyǵy Andreı Mýla.
Esterińizge sala ketsek, osyǵan deıin jumysqa zańsyz tartylǵan Ózbekstan azamattarynyń elden shyǵarylǵanyn habarlaǵan edik.
