Óskemende bes qabatty úıden órt shyǵyp, 15 turǵyn evakýatsııalandy

ÓSKEMEN. QazAqparat - Óskemende bes qabatty úıden órt shyǵyp, qutqarýshylar 15 turǵyndy evakýatsııalady, dep habarlaıdy QazAqparat.

Óskemende Bobrovskaıa kóshesinde 5 qabatty turǵyn úıdiń 1-qabatyndaǵy páterde órt shyqty. Onda turatyn áıel tútin basqan bólmeden óz betinshe shyqqan. Birneshe mınýt ishinde kelgen órt sóndirý bólimsheleri qalyń qoıý tútin basqan podezden 15 turǵyndy evakýatsııalap, jyly «Vahta» avtokóligine ornalastyrdy. Órt 15 sharshy metr aýmaqta sóndirildi.

Qaza tapqandar men zardap shekkender joq. Órtti sóndirýge 14 órt sóndirýshi men 5 tehnıka jumyldyryldy. Órttiń aldyn ala sebebi retinde elektr jabdyqtaryn paıdalaný kezinde órt qaýipsizdigi erejelerin saqtamaý nusqasy qarastyrylýda.

ShQO TJD órt qaýipsizdigi erejelerin saqtaýdy eske salady.

- birneshe qýatty elektr qurylǵylaryn bir rozetkaǵa qosý arqyly elektr jelilerin shamadan tys júktemeńiz;

- zaýytta jasalmaǵan elektr saqtandyrǵyshtardy («jýchok»), qoldan jasalǵan abajýrlardy, jaryqtandyrý elektr shamdaryn jáne qoldan jasalǵan elektr jylytý aspaptaryn qoldanbańyz;

- daıyndaýshy zaýyttyń nusqaýlyǵynda kórsetilgen qaýipsizdik talaptary buzylǵan elektr jelileri men elektr energııasyn qabyldaǵyshtardy, órtke ákelýi múmkin aqaýlary bar elektr qabyldaǵyshtardy paıdalanbaý qajet;

- oqshaýlaǵyshy zaqymdalǵan nemese qorǵanysh qasıetin joǵaltqan elektr symdary men kabelderdi qoldanýǵa bolmaıdy.

Foto: TJM baspasóz qyzmeti