Óskemende belgili sportshyny atyp ketken er adamnyń jazasy qatańdatyldy

ÓSKEMEN. KAZINFORM – Óskemen qalasynda apellıatsııalyq sot erejesiz jekpe-jekten halyqaralyq dárejedegi sport sheberi Eler ıÝnýsmetovti atyp ketken er adamnyń jazasyn qatańdatty.

Oqıǵa osy jyldyń 13 qańtarynda qaladaǵy Qazaqstan kóshesinde bolǵan. ShQO Polıtsııa departamentiniń málimetinshe, Eler ıÝnýsmetovti belgisiz bireý podez aldynda sholaq myltyqpen atyp ketken. Tártip saqshylary kóp uzamaı kúdiktini Abaı dańǵylynda kele jatqan jerinen ustady.

Shyǵys Qazaqstan oblysynyń qylmystyq ister jónindegi mamandandyrylǵan aýdanaralyq soty aıyptalýshyny QR QK-niń 99-babymen (Adam óltirý) kináli dep tanyp, 13 jylǵa bas bostandyǵynan aıyrǵan bolatyn. Alaıda jábirlenýshi tarap bul úkimmen kelispeı, oblystyq sotqa shaǵym túsirgen.

«Іsti qaraǵan apellıatsııalyq sot úkimdi qatańdatý jaıly sheshim qabyldady. Belgili bolǵandaı, sottalýshy buryn aýyr qylmys jasaǵany úshin sotty bolǵan jáne ol sportshyny probatsııalyq baqylaýda bolǵan kezinde óltirgen», - dep habarlady oblystyq sottan.

Aıyptalýshynyń jazasy taǵy 3 jylǵa uzartyldy. Osylaısha, ol 16 jylǵa bas bostandyǵynan aıyryldy.

Eske salsaq, buǵan deıin Óskemende belgili sportshyny atyp ketken er adamnyń 13 jylǵa túrmege qamalǵanyn jazǵan edik.