Óskemende belgili sportshyny atyp ketken er adam 13 jylǵa túrmege qamaldy

ÓSKEMEN. KAZINFORM – Óskemen qalasynda erejesiz jekpe-jekten halyqaralyq dárejedegi sport sheberi Eler ıÝnýsmetovti atyp ketken er adamǵa qatysty sot úkimi shyqty.

Oqıǵa osy jyldyń 13 qańtarynda qaladaǵy Qazaqstan kóshesinde bolǵan. ShQO Polıtsııa departamentiniń málimetinshe, Eler ıÝnýsmetovti belgisiz bireý podez aldynda sholaq myltyqpen atyp ketken. Tártip saqshylary kóp uzamaı kúdiktini Abaı dańǵylynda kele jatqan jerinen ustady.

Osyǵan baılanysty sot isi Shyǵys Qazaqstan oblysynyń qylmystyq ister jónindegi mamandandyrylǵan aýdanaralyq sotynda qaraldy.

«Aıyptalýshy QR QK-niń 99-babymen (Adam óltirý) kináli dep tanylyp, 13 jylǵa bas bostandyǵynan aıyryldy. Sondaı-aq qylmys týraly quqyq qorǵaý organdaryna habarlamaǵan taǵy bir sottalýshy 3 jyl merzimge bas bostandyǵyn shekteldi. Úkim áli zańdy kúshine engen joq», - dep habarlady sottyń baspasóz qyzmeti.