Óskemende belgisiz bireýler mektepke osymen tórtinshi márte «bomba qoıdy»

ÓSKEMEN. QazAqparat – Óskemen qalasynda sońǵy 8 kúnde mektepke bomba qoıylǵany týraly tórtinshi habar túsip otyr, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 13 aqpan kúni túski ýaqytta polıtsııaǵa Óskemendegi mektepterdiń birine jarylǵysh zat qoıylǵany týraly habar túsken.

«Mamandandyrylǵan qyzmetter dereý mektepke kelip jetti. Bilim ordasynyń qyzmetkerleri men oqýshylar qaýipsiz jerge kóshirildi. Qazirgi ýaqytta ǵımarat ishi tekserilýde. Halyqtan sabyrlyq tanytýdy jáne engizilgen shekteýlerge túsinistikpen qaraýdy suraımyz», - delingen aqparatta.

Aıta keteıik, bul sońǵy 8 kúnde Óskemendegi mektepterge bomba qoıylǵany týraly tórtinshi habar.

Eske salsaq, eń birinshi 6 aqpanda Óskemende sotqa jáne mektepke bomba qoıylǵany habarlanǵan.

Alaıda tekserý barysynda eshqandaı jarylǵysh zat tabylmady.

9 aqpanda Óskemende taǵy da mektepke bomba qoıylǵany týraly habar túsip, oqýshylar men muǵalimder evakýatsııalanǵan.

Tekserý nátıjesinde bomba joq bolyp shyqty.

Sondaı-aq 10 aqpan kúni qaladaǵy jıyrma alty mektepke jarylǵysh zat qoıylǵany týraly jalǵan habar túsken.