Óskemende bazarda jalǵyz júrgen balanyń ata-anasy izdestirilýde
ÓSKEMEN. QazAqparat – Óskemen qalasynda bazarda jalǵyz júrgen balanyń ata-anasy tabylmaı jatyr, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, búgin saǵat 11.00-de polıtsııa qyzmetkerlerine bazarlardyń birinde jalǵyz júrgen búldirshin jaıly aqparat tústi. Oqıǵa ornyna kelip jetken tártip saqshylary 3-4 jas shamasyndaǵy balany kórgen.
«Qazirgi ýaqytta bala Protozanov kóshesi, 37a mekenjaıyndaǵy polıtsııa bólimshesine jetkizildi. Ol múlde sóılemeıdi. Búldirshinniń ata-anasy izdestirilip jatyr», - dep habarlady vedomstvo ókilderi.
Osy rette, polıtsııa qyzmetkerleri balanyń áke-sheshesin nemese týystaryn biletin azamattardan «102» jedel arnasyna nemese 8(771)-485-49-94 telefon nómirine habarlasýlaryn suraıdy.
