Óskemende batpaqqa batqan 69 jastaǵy qarııaǵa qutqarýshylar kómekke keldi
ÓSKEMEN. QazAqparat – Óskemen qalasynda batpaqqa batqan qart kisige qutqarýshylar kómek kórsetti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 5 tamyz kúni saǵat 19.04-te qutqarýshylarǵa habarlasqan azamat kómek surady.
«Belgili bolǵandaı, ol Lomonosov kóshesiniń mańynda Ertis ózenindegi batpaqtan shyǵa almaı qalǵan. Oqıǵa ornyna kelgen jedel qutqarý jasaǵynyń qyzmetkerleri 69 jastaǵy zeınetkerdiń batpaqtan shyǵaryp, qaıyqpen jaǵalaýǵa jetkizdi», - dep habarlady vedomstvo ókilderi.
Osy rette departament mamandary óńir jurtshylyǵyna sý aıdyndaryndaǵy qaýipsizdik erejelerin saqtaý qajettigin eskertedi. Túbi tekserilmegen jáne jaqyn jerde qutqarýshylar beketi joq jabdyqtalmaǵan oryndarda shomylýdan aýlaq bolǵan jón.
