Óskemende basy jarylǵan er adamnyń múrdesi tabyldy

ÓSKEMEN. QazAqparat – Óskemen qalasynda basy jarylǵan er adamnyń denesi tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, máıit keshe qaladaǵy shashtarazdyń biriniń mańynan tabylǵan.

«102» jedel arnasyna habarlasqan qala turǵyn basy jarylǵan er adamnyń múrdesi jatqanyn jetkizdi. Oqıǵa ornyna polıtsııa qyzmetkerleri dereý kelip jetti. Kóp uzamaı marqumnyń kim ekendigi belgili boldy», - dep habarlady vedomstvo ókilderi.

52 jastaǵy azamattyń qatty soqqydan kóz jumǵany anyqtalǵan. Qazirgi ýaqytta tártip saqshylary kúdiktini qolǵa túsirdi.

Atalǵan fakti boıynsha QR QK-niń 99-babymen (Adam óltirý) sotqa deıingi tergeý amaldary bastaldy. Tıisti sot-medıtsınalyq saraptamalar taǵaıyndalǵan.