Óskemende bastyǵynyń kóligin satyp jibergen azamat sottaldy

ÓSKEMEN. KAZINFORM – Óskemen qalasyndaǵy avtojýýlardyń birinde jumys istep júrgen er adam bastyǵynyń kóligin satyp jibergen. 

ShQO soty baspasóz qyzmetiniń málimetine súıensek, Semeı qalasynyń turǵyny Óskemenge kelip, avtojýýlardyń birine jumysqa turǵan. Sol kezde avtojýý ıesi óziniń jol apatynan qırap turǵan kóligin ınternet arqyly satýǵa qoıǵan. 

Kólikke qyzyǵýshylyq tanytyp qońyraý shalǵan azamattarǵa bastyǵynyń tapsyrmasymen avtojýý jumysshysy jaýap berip júrgen.

— Jeńil aqsha tabýdy kózdegen aıyptalýshy Samar aýdanynan habarlasqan adamǵa kólikti 350 myń teńgege satyp jiberdi. Buny bilip qoıǵan kólik ıesiniń aryzynan soń avtojýý jumysshysyna qatysty alaıaqtyq baby boıynsha is qozǵalǵan, — delingen aqparatta. 

Sot sheshimimen sottalýshy eki jylǵa bas bostandyǵynan aıyryldy. Úkim áli zańdy kúshine engen joq. 
Eske salsaq, buǵan deıin «Bıpek-Avto» isi boıynsha sot úkimi shyqqany habarlanǵan.