Óskemende bastaýysh synyp oqýshylary onlaın formatta oqıdy

ÓSKEMEN. QazAqparat – Óskemen qalasynda 1-4 synyp oqýshylary qashyqtan bilim alady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Óskemende aıazdyń beti áli qaıtqan joq. 1 jeltoqsan kúni tańerteń aýa temperatýrasy 28 gradýsqa deıin tómendeıdi dep kútilýde.

«Soǵan oraı qala mektepterindegi birinshi aýysymdaǵy 1-4 synyp oqýshylary úshin sabaq qashyqtan ótedi. Ózge aýdandarda oqýshylardyń qalaı oqıtyny týraly aqparat erteń tańǵy ýaqytta jarııa etiledi», - delingen habarlamada

Eske salsaq, búgin Óskemende aıazǵa baılanysty birinshi aýysymdaǵy 1-9 synyp oqýshylary mektepke barmaǵan. Al ekinshi aýysymdaǵy oqýshylar dástúrli formatta bilim aldy.