Óskemende baspana kezegin jyljytyp berem dep jurtty aldaǵan er adam ustaldy
ÓSKEMEN. QazAqparat - Óskemende jeńil jolmen baspana alyp berem dep ýáde berip, alaıaqtyq jasaǵan adam ustaldy, dep habarlaıdy QazAqparat tilshisi.
Maýsymnyń tórti kúni Óskemen qalasyndaǵy polıtsııa basqarmasynyń «102» nómirine 31 jastaǵy jeke kásipker habarlasyp, bir tanysynyń 400 myń teńgeni aldap áketkenin aıtady. «Baspana kezegin jyljyta alam» degen sózge aldanǵan kásipker tanysyna qolyndaǵy aqshasyn ustatyp qoıa bergen.
«Saqshylar 44 jastaǵy jumyssyz er adamdy ustady. Ol buǵan deıin de birneshe ret sottalǵan. Al bul joly QR Qylmystyq kodeksiniń «Alaıaqtyq» baby boıynsha sotqa deıingi tergeý bastaldy», - delingen ShQO polıtsııa departamentiniń baspasóz qyzmeti taratqan aqparatta.
