Óskemende bas shyrshanyń shamy jarqyrady

ÓSKEMEN. QazAqparat – Óskemen qalasyndaǵy Respýblıka alańynda jańajyldyq shyrsha jaǵyldy, dep habarlaıdy QazAqparat tilshisi.

Bul jaıly shahar basshysy Jaqsylyq Omar óziniń Instagram paraqshasynda jazdy.

«Qala boıynsha jańajyldyq bezendirý jumysy aıaqtalýǵa jaqyn. Atap aıtqanda, búginde Qazaqstan kóshesi, Jeńis dańǵyly, Komendantka ózeni, Ýshanov alańy, Metallýrgter mádenıet saraıynyń aldyndaǵy skver, Arbat pen Respýblıka alańy merekege oraı bezendirildi», - dedi ol,

Jaqsylyq Omardyń aıtýynsha, sondaı-aq Nazarbaev dańǵyly men 19 shaǵynaýdandaǵy alleıalardy bezendirý jumysy aıaqtalyp qaldy.

Shyrsha Arbatta, Komendantkada jáne 19 shaǵyn aýdanda ornatylǵan.

Al Respýblıka alańyndaǵy bas shyrsha 28 jeltoqsanda saǵat 18.00-de jaǵyldy.