Óskemende bapkerler men sportshylar marapattaldy
Sport kúni tennıs ortalyǵy aldyndaǵy alańda atalyp ótti. Áýeli dzıýdo, erkin kúres, karate, boks, basketbol, fýtbol, kórkem gımnastıka sııaqty sport túrleri boıynsha jas sportshylar ónerlerin kórsetip, sport mektepteri jetistikterin pash etti.
Sonymen qatar, barlyq tilek bildirýshilerdi sport sektsııalaryna jazý sharasy ótti. SportFEST baǵdarlamasy aıasynda balalarǵa arnalǵan sporttyq oıyndar uıymdastyryldy.
Merekelik sharada jaqsy nátıje kórsetip júrgen bapkerler men sportshylar marapattaldy. Ulan aýdanyndaǵy balalar-jasóspirimder sport mektebiniń toǵyzqumalaqtan bapkeri Baqytbek Orazamanov QR «Qurmetti sport qyzmetkeri» tósbelgisin ıelendi.
Oblys ákiminiń orynbasary Shákárim Buqtuǵutovtyń Alǵys hatyn Rıo-2016 Olımpıadasynda qola medal ıelengen Denıs Ýlanov, bıyl jasóspirimder arasynda álem chempıony bolǵan Daryn Áskerbek, jaqynda ǵana Islam yntymaqtastyq oıyndarynda ústel tennısinen qola medal ıelengen Denıs Jolýdev jáne byltyr batýtty gımnastıkadan jastar arasynda álem chempıony atanǵan Igor Grachev aldy.
Sondaı-aq, Mádenıet jáne sport mınıstrliginiń Qurmet gramotasymen birqatar bapker men sport salasynynyń mamany marapattaldy.