Óskemende balyqshylar Qyzyl kitapqa engen aqqýdy qutqaryp qaldy

Óskemen qalasynda balyqshylar Qyzyl kitapqa engen qusty qutqardy. Ol jaraly bolǵan, dep habarlaıdy QazAqparat tilshisi.

6 qazan kúni tańerteń qala irgesindegi demalys bazalarynyń birine balyqshylar Qyzyl kitapqa engen aqqýdy alyp kelgen. «Dvorıanın» janýarlar quqyǵyn qorǵaý qoǵamdyq qorynyń málimetinshe, qustyń tabany jaraqattanǵan.

«Aqqýdy taýyp alǵan balyqshylar ony qaıda apararyn bilmeı kómek surady. Belgili bolǵandaı, bul Qazaqstannyń Qyzyl kitabyna engen suńqyldaq aqqý. Sirá, onyń tabany synǵan. Endi ony emdeý kerek. Biz qustyń jaǵdaıyn turaqty túrde qadaǵalaımyz jáne ol tezirek saýyǵyp, qaıtadan tabıǵı ortaǵa shyǵady degen úmittemiz», – delingen habarlamada.

Eske salsaq, osyǵan deıin Óskemen turǵynyn jylan shaǵyp alǵanyn jazǵan bolatynbyz.